Pan Card Kya Hai ? Pan Card Ke Liye Online Apply Kaise Kare


Hello doston aaj me aap logon ko aisi jankaari dene wala hun jo aapke bahut kaam aa sakti hai kyunki me jo jankaari aapko doonga usko jaankar aap khud online apna pan card apply kar sakte ho.Bahut se log aise hote hain jinke paas pan card nahin hota hai jiski wajah se unke bahut se kaam nahin ho paate hain isliye aaj me aap logon ke liye ek new article lekar aaya hun jisme aap logon ko ye jaanna ko milega ki pan card kya hai aur iske kya-kya fayde hain aur pan card ko online apply kaise karte hain.


PAN Card ke liye online apply kaise kare

Toh chaliye ab me aap logon ko ye bata deta hun ki pan card kya hota hai.

Pan Card Kya Hota Hai ? What Is Pan Card


Shayad hi koi aisa insaan hoga jo pan card ke baare me nahin jaanta hoga kyunki pan card ek bahut hi important cheej hai har kisi ke paas pan card ka hona jaroor hai agar aapke paas pan card nahin hai toh aap Online koi bhi kaam nahin kar sakte jaise form apply karna,Bank account open karwana,Bank account par internet banking apply karwana aur bhi bahut se aise kaam hain jinko poora karne ke liye pan card ka hona bahut jaroori hai.


Pan Card ka matlab hota hai Permanent account number jo ek Unique alphanumeric id hoti hai ye un logon ke liye hota hai jo income tax department income tax payer hote hain matlab woh log jo apne har kaam ka government ko calculation dete hain.Jo log pan card lagakar bank account open karwaate hain aur unke account me 500000 se jyada rupees hote hain toh unko us paise ka government ko tax dena padhta hai aur jo log bina pan card ke bank account khulwaate hain government unke paison ko black money ka naam deti hai.


Pan card hone par koi bhi kaam kya jaata hai toh uski details government ke paas jaati rahti hai isliye pan card hone par aap government se koi bhi cheating nahin kar sakte.



Pan Card Banwaane Ke Kya-Kya Fayde Hain


Pan Card hone ke bahut se fayde chaliye me aap logon ko bata deta hun ki pan card banwaane ke kya-kya fayde hain.



  • Agar aapke paas pan card hoga toh koi bhi income tax department wala aapko touch nahin kar sakta.
  • Agar aapko apna koi bhi kaam karna hai toh aap is card ko id ke roop me use kar sakte ho ye card government dwara mannyata prapt hai is card ko aap kisi bhi government office se lekar corporate office tak aur bus se lekar train tak use kar sakte ho.
  • Aap koi bhi job karte hain chahe woh full time ho ya partime uska payment easily recieve karne ke liye pan card ka use kar sakte ho
  • Pan card banwaane se aap online koi bhi form apply kar sakte ho kyunki agar aapke bank account par pan card laga hua nahin hoga aapke bank account par internet banking apply nahin hogi.
Pan Card Apply Karne Ke Liya Kya-Kya Chahiye

Pan card apply karne ke liye hume apne kuch documents upload karna padhte hain isliye pan card kaise banate hain ye process shuru karne se pahle me aapko ye bata deta hun ki pan card banane ke liye kin-kin cheejon ke jaroorat padhti hai.

Me jo documents aap logon ke saath share karunga aap un sabhi documents ki copy bana le kyunki woh documents aapko application ke saath send karna padenge.

Pan card aaply karne ke liye aapko Identity proof and address proof,Birthday certificate,aur aapko kuch photographs upload karna honge chaliye ab hum jaan lete hain ki aakhir in sabhi cheejon me se kya kya chun sakte hain.

1.Identity Proof And Address Proof

Identity card toh aapke paas jaroor honge kyunki identity card bahut tarah ke hote isliye koi na koi identity card aapke paas jaroor hoga aur agar nahin hai toh aap pan card apply nahin kar sakte kyunki pan card apply karne ke liye identity proof aur address proof ke documents dena hote hain jiske liye aapke identity card ka use kiya jaata hai
  1. Aadhaar Card
  2. Driving Licence
  3. Ration Card
  4. Voter ID Card
  5. Passport
  6. Pension Card
2.Date Of Birth Certificate

Waise toh birdhday certificate ka hona bahut important hai lekin agar aapke paas ye nahin hai toh aap neeche diye gaye documents ka use kar sakte ho.
  1. Driving Licence
  2. 10 Class Certificate
  3. Merriage Certificate
  4. Domicile certificate
  5. Passport
  6. Pension Payment Order
3.Photo ID

Pan card application ke saath 2 photos send karna padhte hain jinka size passport size hona chahiye isliye pan card apply karne se pahle 2 photos banwa le.

Pan Card Ke Liye Online Apply Kaise Kare

Upar maine jin documents ke baare me aapko bataya hai pahle aap un sabhi documents ko ready kar le uske baad neeche di gayi steps ko follow karke pan card apply kare.

1.Sabse pahle aap Pan card aaply karne ke liye nsdl ki site par jaaye - Click Here

2.Ab aapke saamne pan card apply karne ka form open ho jaayega jisme aap apni details daaliye

apply online
details


  1. Sabse pahle aap Apply online par click kariye
  2. Application type me aap New PAN - India citizen (form 49A) ko choose kare
  3. Category me aap Individual select kare
  4. Title me aap ye select kariye ki aap shri ho ya Smt.
  5. First name me aap apna naam daaliye
  6. Last name me aap jo apne naam ke aage lagate hain woh daaliye
  7. Date of birth daaliye
  8. Yahan par aap apni email id daaliye
  9. Yahan apna phone number daaliye
  10. Ab yahan par aap captcha code daaliye 
  11. Ab aap submit par click kar dijiye
3.Ab jo page khulega usme jo token number diya gaya hai use apne dimaag me save kar le kyunki woh kabhi bhi aapke kaam aa sakta hai aur Continue With PAN Application Form par click kariye

continue with pan application form

4.Ab aapke saamne lagbhag 5 aise form aayenge jo sabhi aapko fill karna hai neeche me naam bata raha hun jo form aapko fill karna padhenge.
  1. Guidelines-Is form me sirf kuch important information daalni hain
  2. Personal Details-Yahan par aapko apni personal details bharna hai
  3. Contact And other details-Is form me aapko apni contact details daalni hai
  4. AO Code-Yahan par aapko apna area code daalna hai koi problem aaye toh 18001801961 is number par call karke help le sakte hain.
  5. Document Details-Documents details me aapko uper bataye gaye documents ko fill karna hai.
Total form 5 hain jinme se Guidelines wala form aapne fill kar diya hai ab 4 bakaya hai unko bhi fill karne ke baad aapka PAN Card apply ho jaayega.

Ummid hai ki aapko mera ye article PAN Card ko online apply kaise kare bahut accha lagega kyunki isme maine full details me bataya hai ki PAN card online kaise apply karte hain.

Agar post acchi lage toh plz share jaroor kare aur comment me bataye ki aapko ye post kaisi lagi.
Previous Post
Next Post

post written by:

1 comment:

  1. Thanks for sharing this knowledgeable information. Are you want to Know Your PAN visit this site also.

    ReplyDelete